З году ў год дзяўчынкі, дзяўчаты, жанчыны прымаюць віншаванні ў гэты вясенні дзень. Ім жадаюць шчасця і дабра, у іх адрас гучаць цёплыя словы.

Напярэдадні цудоўнага свята ва ўстанове адукацыі прайшлі шматлікія мерапрыемствы: ранішнік у дашкольнай групе “Пралескі для матулі”, конкурсныя праграмы: “Ледзі і джэнтльмены” ў 1 – 4 класах, “Самая абаяльная і прывабная” ў 5 – 8 класах. Вучні старэйшых класаў наведалі святочную праграму ў СДК “Жанчына. Каханне. Вясна”.
Малодшыя школьнікі разам са сваімі класнымі кіраўнікамі Раманчук В.І., Рыхлёнак Т.Ф., выхавальнікамі ГПД Шыпко Н.П., Місюля Т.У., настаўнікам музыкі Шымко І.Б. падрыхтавалі святочную праграму для пастаяльцаў Удзелаўскай БСД. Падарылі ім радасць, шчасце, цеплыню.

А.С. Протас, намеснік дырэктара па выхаваўчай рабоце