Першага верасня – гэта першы званок, хваляванні, многа кветак і, зразумела, першы ўрок. Гэта свята самае доўгачаканае для тых, хто пераступае ўпершыню школьны парог.

На свята ведаў завіталі шматлікія госці:старшыні Удзелаўскага і Узрэцкага сельвыканкамаў, дырэктар і намеснік СУП “За Радзіму”, спецыялісты ААТ “Мосарлён”, “Залатая падкова”, метадыст аддзела па адукацыі Глыбоцкага райвыканкама Карніловіч Т.В., айцец Вальдэмар, супрацоўнікі ДАІ.

З віншаваннямі да калектыву ўстановы адукацыі звярнуўся старшыня Удзелаўскага сельвыканкама Карман В.К..

Дырэктар Шыпко В.Я. павіншаваў педагогаў, навучэнцаў, законных прадстаўнікоў з новым навучальным годам, выказаў падзяку ўсім, хто аказаў дапамогу ў рамонце ўстановы.

Прадстаўнікі гаспадарак уручылі вучням, якія ўдзельнічалі ў сельскагаспадарчых работах, грашовыя прэміі.

У цэнтры ўвагі былі першакласнікі. Іх віншаваў намеснік дырэктара, першая настаўніца, вучні 11 класа.

Права даць першы званок было дадзена вучаніцы 11 класа Раманчук Кацярыне і вучню 1 класа Кісялю Максіму.

Таксама на лінейцы адбылося адкрыццё “Сада Гётэ”.

Потым усе былі запрошаны на першы ўрок “Занімай, Беларусь маладая мая, свій пачэсны парад між народамі!”