Дзіця першы раз ідзе ў школу. Гэта важнае мерапрыемства не толькі ў яго жыцці, але і ў яго бацькоў, педагогаў, школы. Як падрыхтаваць дзіця да новага жыцця, як арганізаваць вучобу, каб яна была радасцю дзецям, і ім хацелася б кожную раніцу ісці ў школу? Абмяркуем пытанні, якія часцей за ўсё задаюцца бацькамі.

Пытанне 1. Узрост паступлення дзіцяці ў 1 клас?

     Згодна з арт.159 Кодэкса РБ аб адукацыі ў 1 клас прымаюцца асобы, якім на 1 верасня адпаведнага вучэбнага года споўнілася 6  і больш гадоў. Па жаданні аднаго з законных прадстаўнікоў дзіцяці дапускаецца прыём у 1 клас асобы, якой шэсць гадоў споўніцца ў перыяд з 1 па 30 верасня адпаведнага вучэбнага года.

Пытанне 2. Якія дакументы неабходныя пры паступленні дзіцяці ў 1 клас?

    Для прыёма дзяцей у 1 клас законныя прадстаўнікі падаюць наступныя дакументы:

- заяву на імя кіраўніка ўстановы адукацыі;

- медыцынскую даведку аб стане здароўя дзіцяці;

- копію пасведчання аб нараджэнні дзіцяці.

     Прысутнасць дзіцяці пры падачы дакументаў у школу не абавязкова.

Прыём дакументаў будзе ажыццяўляцца ў  перыяд з 12 чэрвеня па 28 жніўня 2018 года.

Пытанне 3. Ці патрэбна школьная форма першакласнікам?

   Так. Але сёння мы гаворым не пра школьную форму, а пра адзенне дзелавога стылю: строгае, акуратнае, прыгожае, каб спадабалася таму, хто яе будзе насіць.

  Зменны абутак абавязкова (туфлі).