Апошні званок - гэта свята, якое азначае сабой заканчэнне школьнага жыцця. Апошні званок - гэта пачатак новага этапу ў жыцці кожнага выпускніка, гэта развітанне з дзяцінствам і ўступленне ў дарослае жыццё.

На ўрачыстую лінейку завіталі старшыня РК ГА БРСМ Эла Мікалаеўна Ждановіч, намеснік дырэктара СУП “За Радзіму” па сацыяльных пытаннях Святлана Чаславаўна Раманчук, айцец Яраслаў, бацькі, аднавяскоўцы.

Апошні школьны званок прагучаў для 13 вучняў 11 класа і 8 вучняў 9 класа. У іх адрас гучалі цёплыя словы падзякі, шчырыя пажаданні поспехаў пры здачы школьных экзаменаў і ЦТ не толькі ад гасцей, але і ад першых настаўнікаў, класнага кіраўніка, бацькоў, першакласнікаў, вучняў 10 класа.

 На свяце былі і падарункі для ўстановы адукацыі ад мясцовай гаспадаркі, для выпускнікоў 11 класа Пятрага Я., Бароўскага А. ад РК ГА БРСМ. Вучням 8 класа ва ўрачыстай абстаноўцы былі ўручаны членскія білеты. Першакласнікі атрымалі футбольныя мячы.

Ад імя выпускнікоў словы падзякі настаўнікам, бацькам, сябрам выказала Касцюкевіч Яна.

На свяце быў і сюрпрыз: выпускнікі падрыхтавалі танец.

Апошні школьны званок далі першакласніца Лось Лізавета і выпускнік Бароўскі Арцём.

Пакідалі выпускнікі ўрачыстую лінейку ў суправаджэнні самых блізкіх людзей – бацькоў.

Протас А.С., намеснік дырэктара