Міжнародны жаночы дзень – адно з самых чаканых свят вясны.

У гэты дзень здаўна ўсе жанчыны прымаюць віншаванні ад мужчын.Восьмага сакавіка традыцыйна дораць паштоўкі, кветкі, падарункі. Дзень гэты прызначаны менавіта для таго, каб зрабіць прыемна сваёй маме, сястрычцы, бабулі, сяброўцы, настаўнікам.

Напярэдадні ва ўстанове адукацыі прайшлі наступныя мерапрыемствы: ранішнік  у дашкольнай групе, конкурсная праграма для вучняў пачатковых класаў “Маленькія прынцэсы”.

Вучні 11 класа падрыхтавалі сюрпрыз для жанчын-настаўніц. Урокі ў гэты дзень праводзілі настаўнікі-дублёры. А потым хлопцы-выпускнікі выступілі вядучымі на канцэртнай праграме. Падрыхтавана была  прэзентацыя. Кожны клас падрыхтаваў сваё віншаванне.

9 сакавіка вучні пачатковых класаў разам са сваімі класнымі кіраўнікамі і настаўнікам музыкі Шалак А.М. наведалі Удзелаўскую бальніцу сястрынскага догляду. Павіншавалі са святам персанал і пастаяльцаў.

Протас А.С., намеснік дырэктара