Сёння хораша ў школе,

Клас аж зіхаціць святлом.

Усіх гасцей мы запраем

На сустрэчу з Букваром.

На сустрэчу-развітанне

З лепшым сябрам – Букваром!

Гэтымі пранікнёнымі словамі, якія прачыталя Дар’я Апяцёнак,  пачалося свята развітання з букваром у вучняў першага класа. Ва ўрачыстай атмасферы вучні чыталі вершы, спявалі песні, паказвалі сцэнкі. Гледзячы на сваіх дзетак, у захапленні ад іх здольнасцей, бацькі не маглі стрымаць шчаслівых слёз. На памяць аб заканчэнні першага класа хлопчыкам былі ўручаны  медалі “Разумнік”, а дзяўчынкам – “Разумніца”. З удзячнасцю з вуснаў першакласнікаў прагучалі словы:

Бяру буквар у апошні раз,

Нясу буквар у светлы клас.

                                           І дарагому буквару

                                           Я “дзякуй” гавару!

Закончылася свята агульным салодкім сталом.

Да сустрэчы у другім класе!

                                                            Настаўніца 1 класа Н.В.Сабыніч