23 красавіка ў раёне прайшоў фінал конкурсу “Вучань года – 2016”. Удзел у ім прынялі лепшыя вучні з шасці ўстаноў адукацыі Глыбоцкага раёна. Сярод іх і вучань 10 класа нашай школы – Пятрага Яўген.

Фінал складаўся з трох выпрабаванняў: візітка канкурсанта, конкурс эрудытаў, публічнае выступленне “Формула майго поспеху”. У кожнай намінацыі Яўген выступіў паспяхова.

Першы конкурс – “Візітная картка”. Кушнярэвіч Кацярына, Сурвіла Кацярына расказалі пра свайго сябра. Гледачы мелі магчымасць пабачыць відэакліп “Адзін дзень з жыцця Яўгена”.

Конкурс эрудытаў прайшоў у форме “Сваёй гульні”. Канкурсанты мелі магчымасць выбраць тэматыку і кошт пытання. Наш фіналіст паспяхова справіўся з пытаннямі з раздзелаў “Матэматыка”, “Спорт”, “Мая Глыбоччына”.

Цікава прайшло і публічнае выступленне.

Увесь час наш канкурсант адчуваў падтрымку ў зале сваіх аднакласнікаў, настаўнікаў.

Нялёгкая задача стаяла  перад членамі журы. Пятрага Яўген стаў пераможцам у намінацыі “Спорт”.

Віншуем з перамогай і жадаем далейшых поспехаў!

Касцюкевіч Яна, вучаніца 10 класа